पहिला पाऊस..............

रात्र सरली पहाट झाली

हवेत दरवळला सुगंध वास ,

प्रसन्न अश्या या सुंदर सकाळी 

किरणांचा राजा मात्र अजून उदास .

घरट्यात परतले पक्ष्यांचे थवे 

मेघांची भरली जाहीर सभा ,

पहिल्या थेंबांना मुठीत पकडायला 

बेचैन बळीराजा प्रतिक्षेत उभा .

आतूर  होते सर्वांचे नयन 

होते आतूर  मातीतील प्रत्येक कण ,

थेंबांची पहिली सर येताच 

आला तो अपेक्षित भ्रमानंद क्षण.

पहिल्या पावसाचे पहिले वैभव 

चैतन्याची पहिली लहर,

न्हाहून निघाली संपूर्ण सृष्टी 

नवजीवनाची पसरली बहर.

                                                                                                                -ओंकार दिनेश जुवेकर